Алтын күн аспаны, Алтын дән даласы,

Ерліктің дастаны, Еліме қарашы!

Ежелден ер деген, Даңқымыз шықты ғой.

Намысын бермеген, Қазағым мықты ғой!

Менің елім, менің жерім ,Гүлің болып егілемін,

Жырың болып төгілемін, елім!

Туған жерім менің — Қазақстаным

Ұрпаққа жол ашқан, Кең байтақ жерім бар.

Бірлігі жарасқан, Тәуелсіз елім бар.

Қарсы алған уақытты, Мәңгілік досындай.

Біздің ел бақытты, Біздің ел осындай!